في هذا المقال سوف نتناول كل ما يخص معهد التمريض ispits وبعض الاسئة بخصوص هدا المجال لي شفتهم كيتعاودو وقررت نجاوب عليهم فهاد البوسط
🔴إمتا غيبدا تسجيل في ispits
✅️التسجيل فالتمريض كيبدا فشهر 8 على حسب كل عام يقدر كاع يتعطل
🔴واش إلى خديت دكتورة في ispits يمكن ليا نولي طبيب
✅️التمريض معندو علاقة بالطب يعني ايلا بغيتي تولي طبيب خاصك تقرا فكلية الطب ماشي ف ispits
🔴شحال من عام كنقراو في ispits
✅️التمريض كتقرا 3 سنوات كتشد إجازة إلى بغيتي تكمل يمكن ليك تقرا حتا ماستر و دكتورة
🔴شحال من تخصص يمكن ليا ندفع ليه
✅️عندك الحق دفع لتخصص واحد ايلا دفعتي لأكثر من تخصص الطلب ديالك كيترفض ومكتقبلش
🔴واش باك قديم مقبول مثلا باك 2021 و 2022
✅️لا باك قديم غير مقبول...الباك باش ممكن تدفع خصه يكون جديد باك 2024 أو باك 2025
🔴شحال هي عتبة إنتقاء
✅️كل تخصص والعتبة ديالو وكتختالف من عام لعام تقدر تهبط ولا طلع وتقدر مثلا فشي مدينة تكون فيها العتبة ديال شي تخصص 11 وفمدينة اخرى 10 بالرغم من انه نفس تخصص فهمتوو شنو بغيت نقصد...مهيم فمدن صغرى كتكون عتبة طايحة وكدالك فتخصصات جداد
🔴واش يمكن ليا ندفع فين مابغيت
✅️ لا عندك الحق دفع فمدينة لي خديتي فيها باك في حالة إلا مكانش ديك تخصص فمدينة لخديتي فيها لباك يمكن ليك دفع لشي مدينة أخرى في نفس الجهة...مهيم بإحتصار نتا غير كدخل رقم مسار ديالك كيطلعو ليك مدينة تلقائيا وفاش كتختار تخصص لبغيتي هوما يكعتيوك مدن لعندك حق تدفع فيهوم مثلا نتا فمدينة تازة ختاريتي شي تخصص مكاينش فديك مدينة غيعطواك تدفع في فاس إلا مكانش حتا ففاس يعطيواك تدفع فمكناس إلا مكانش فجهة فاس مكتاس كاملة غيعطواك تدفع فشي جهة آخرى
🔴شنو هوما تخصصات ليمكن يدفعو ليهوم صحاب باك أداب و علوم إنسانيه
✅️الأدبيين عندهم الحق ف 4 ديال التخصصات:
✔️مصحح النطق
✔️الترويض بالعمل
✔️نفساني حركي
✔️مساعد اجتماعي
🔴شنو هوما تخصصات ليمكن يدفعو ليهم صحاب باك علمي
✅️العلميين عندهم الحق فجميع التخصصات لي كاينين ف ispits
🔴شنو هوما مراحل القبول في ispits
✅️كاينين 3 ديال المراحل عاد تقرا ف ispits من بعد ماكتسجل فالسيت
1.الإنتقاء الأولي
2.الكنكور الكتابي
3.الشفوي (مكايكونش اقصائي كيشوفوك فقط واش عندك شي اعاقة لي متخليكش تخدم ولا لا )
🔴واش كاينة منحة في Ispits
✅️أه ispits فيها المنحة حيت كتقرا على حسب الدولة وفابور اذا عندك الحق فالمنحة